A charla forma parte do ciclo "Arqueoloxía en monodose", unha iniciativa promovida polo Museo Arqueolóxico de Ourense co obxectivo de achegar novas propostas e profundar no coñecemento do patrimonio.
Roma Valdés, recoñecido especialista na materia, centrarase na relevancia das moedas como testemuño histórico, especialmente para comprender períodos complexos como a Alta Idade Media.
O evento terá lugar ás 19:30 horas no Centro Cultural Marcos Varcárcel e a entrada será libre e gratuíta para todos os asistentes.
