O Auditorio de Ourense foi o escenario escollido para a celebración do acto de graduación do alumnado do CIFP Portovello. A xornada estivo marcada pola emoción, os recordos e os discursos, onde máis dun centenar de estudantes puxeron fin á súa traxectoria educativa neste centro.

Os graduados pertencen a diversos ciclos formativos, incluíndo Atención a persoas en situación de dependencia, Animación sociocultural e turística, Servizos Comerciais, Xestión de vendas e espazos comerciais (incluíndo a modalidade DUAL), Xestión Administrativa, Administración e Finanzas, e Asistencia a Dirección.

Moitos destes novos profesionais incorporaranse proximamente ao mundo laboral, marcando un novo capítulo nas súas carreiras. Tras a cerimonia, os alumnos e os seus invitados compartiron un momento de celebración cun pequeno cóctel.