A iniciativa forma parte das actividades programadas no marco do Mes da ELA, que culminará coa conmemoración do Día Mundial da ELA o vindeiro 21 de xuño. A través deste punto informativo, voluntarios ofreceron datos sobre a enfermidade, os recursos existentes e os servizos de apoio que a entidade proporciona en Galicia.

A xornada contou coa colaboración do Servizo de Neurología do hospital, que mantén unha estreita relación coa asociación e participa activamente na atención aos pacientes. O persoal subliñou a importancia de continuar coa sensibilización social e coa mellora da calidade asistencial para quen convive con esta patoloxía progresiva.

Na área sanitaria de Ourense existe un circuíto específico para pacientes con ELA que busca axilizar as consultas e as probas diagnósticas. Este modelo pretende ofrecer unha atención multidisciplinar nunha única xornada, adaptada ás necesidades dunha enfermidade que ten un impacto significativo na autonomía persoal e tamén un forte impacto emocional, familiar e social.