O Concello de Barbadás deu a coñecer a listaxe de estudantes admitidos/as para o bono de transporte do ensino postobrigatorio. A publicación inclúe o número de rexistro de cada solicitude presentada.
Para poder facer uso do servizo de transporte, é imprescindible dispoñer do carné expedido polo Concello. A súa entrega realizarase en diferentes puntos e datas segundo o centro educativo do alumnado.
No IES Ferro Couselo, os carnés repartiranse directamente no centro a partir do luns, 21 de setembro. Para os estudantes do IES Universidade Laboral, a recollida terá lugar na Casa da Cultura Manuel María, dende o luns 21 de setembro ata o mércores, 23 de setembro.
O importe do servizo, segundo o prezo público aprobado, establécese en 10€ para os meses de setembro e xuño, e 20€ mensuais para o período de outubro a maio.
Para máis información, os interesados/as poden contactar coa Área de Educación a través do teléfono 988 24 68 85 ou mediante correo electrónico dirixido a educacion@barbadas.es.
