As seis letras preséntanse como un símbolo do orgullo, a memoria e o sentimento de pertenza da localidade. A cerimonia, amenizada co son da gaita, reuniu a veciños e veciñas nunha xornada cargada de emotividade.
“"Cariño é recordo e sentimento, é orgullo de pobo e das nosas raíces. Estas letras representan todo aquilo que somos e que queremos seguir transmitindo a quen vén detrás de nós."
O novo letreiro nace coa vocación de converterse nun atractivo turístico e nun punto de referencia tanto para residentes como para visitantes. Dende o goberno local agardan que a instalación contribúa a promocionar a imaxe do municipio e a reforzar o vínculo emocional que moitas persoas senten coa localidade.
“"Queremos que quen nos visite leve unha fotografía, pero sobre todo unha experiencia e un recordo do que significa Cariño: hospitalidade, identidade e amor pola nosa terra. Estas letras serán unha fiestra aberta ao mundo para amosar o orgullo que sentimos de ser de aquí."
O Concello destacou finalmente que esta iniciativa busca pór en valor a identidade local e render homenaxe ás xeracións que ensinarona amar, coidar e defender esta terra, mantendo vivo o legado e o sentir máis profundo do pobo.
