A tradicional Festa dos Maiores do Concello de Frades celebrou a súa vixésimo sétima edición este sábado, congregando a máis de 530 persoas na carballeira de San Nicolao. O evento estivo presidido polo alcalde, Roberto Rey Martínez, e polo director de Loita contra a Violencia de Xénero, Roberto Barba.
A xornada comezou cunha misa ás 13:30 horas. Posteriormente, o xantar, servido polo restaurante Casa Taboada de Touro, incluíu empanada, polbo á feira, xarrete, sobremesa e café. Durante a comida e a tarde, o dúo Eva e Camilo e os grupos folclóricos locais Son da Terriña (de Galegos) e Sarillo (de Aiazo) amenizaron o encontro con música tradicional e pezas conxuntas.
O bo tempo, cunha xornada nubrada pero agradable, permitiu que moitos dos asistentes gozaran tamén de xogos tradicionais como o tres en raia, o rá ou a chave na carballeira.
“"Agradecemos a asistencia de todos os maiores."
O momento máis emotivo da xornada foi a homenaxe aos 17 veciños que superan os 90 anos, destacando que, por primeira vez, o número de homes homenaxeados foi superior ao de mulleres. Tres deles acudiron en parella.
