Un incendio forestal permanece activo no municipio de Padrón (A Coruña) tras iniciarse ás 16:01 horas na parroquia de Herbón, e xa calcinou máis de 60 hectáreas, segundo as primeiras estimacións da Consellería de Medio Rural.
O lume, avivado polas altas temperaturas rexistradas este venres, propagouse cara á zona de Carcacía, o que obrigou aos equipos de extinción a centrar os seus esforzos na protección dos núcleos habitados próximos, sen que por agora se visen vivendas afectadas.
Nas labores de extinción participan un amplo operativo formado por 12 axentes, 13 brigadas, 8 motobombas, unha pala, cinco helicópteros e seis avións, ademais do Grupo de Emerxencias Supramunicipal (GES) de Padrón. Tamén se rexistraron intervencións na zona de Cambre, onde se declarou outro incendio de menor magnitude.
O lume xerou unha densa columna de fume visible dende distintos puntos da comarca compostelá e municipios limítrofes, como Santiago ou Teo, mentres os equipos traballan para frear o seu avance nunha zona de difícil acceso.
