O incidente ocorreu arredor das 18:00 horas no lugar de Aralde, cando o condutor circulaba co seu tractor. Segundo informou a policía municipal, unha das rodas do vehículo entrou nunha cuneta de augas pluviais, o que provocou que o home perdese o control.

Ao caer do tractor, o remolque pasou por riba do seu abdome, causándolle lesións de consideración. Os servizos de emerxencia acudiron rapidamente ao lugar para prestarlle a primeira asistencia.

Debido á gravidade das feridas, o ferido foi trasladado de urxencia ao Hospital Montecelo de Pontevedra, onde está a recibir atención médica.