O Consello da Xunta deu luz verde á sinatura destes acordos, cofinanciados polo Fondo Europeo Marítimo, de Pesca e de Acuicultura (FEMPA). Con estas novas autorizacións, xa son 18 as confrarías galegas beneficiadas por plans de restauración.
O plan da Confraría de Pescadores San Martiño de O Grove conta cun orzamento de 751.371,65 euros e actuará sobre unha superficie de máis de 3,5 millóns de metros cadrados. As accións inclúen o acondicionamento mecánico do substrato, a busca de depredadores nativos e a extracción de especies invasoras como a Crepipatella dilatata.
A Confraría de Pescadores San Xoán de Redondela recibirá 653.488,65 euros para a recuperación de 82 mariscadoras a pé, intervindo nun espazo de case 700.000 metros cadrados na zona intermareal.
Pola súa banda, a Confraría de Rianxo investirá 856.427,31 euros para 94 mariscadoras a pé, traballando en 21 bancos marisqueiros que suman máis de 1,5 millóns de metros cadrados. O plan tamén prevé a instalación de redes protectoras e a limpeza de restos orgánicos.
Finalmente, a confraría de Pontedeume disporá de 398.531,49 euros para 14 mariscadoras. Os traballos de acondicionamento do substrato centrarase en oito bancos e incluirá a sementeira de 1.800.000 unidades de ameixa babosa e fina.
