Esta nova infraestrutura, dispoñible para residentes e visitantes, busca facilitar o uso da bicicleta eléctrica como alternativa de transporte. A actuación enmárcase no proxecto Puesta en valor del Origen de todos los Caminos Xacobeos: Camino del Mar de Arousa y Río Ulla, financiado polo Ministerio de Industria e Turismo a través do Plan Nacional de Sostenibilidade Turística en Destinos Xacobeos, con fondos europeos Next Generation.
Os cargadores están estratéxicamente distribuídos en seis municipios da comarca. En Meis, atópase na Praza de España; en Meaño, na Praza Nova de Dena, con dúas unidades; mentres que Ribadumia, Cambados e Vilanova de Arousa contan con puntos nas súas respectivas casas consistoriais. Finalmente, Vilagarcía de Arousa dispón dun punto en Cavadelo.
“"Esta iniciativa responde a unha aposta clara por un modelo de mobilidade máis sostible e adaptado ás novas formas de viaxar."
David Castro, presidente da Mancomunidade, subliñou que esta rede mellorará a experiencia dos que percorren a comarca e ofrecerá un servizo útil para a cidadanía. A rede de recarga impulsa o uso da bicicleta eléctrica, contribuíndo á redución de emisións e a un modelo de desprazamentos máis eficiente. Ademais, reforza o atractivo de rutas como a Variante Espiritual do Camiño Portugués ou a Ruta Padre Sarmiento, garantindo puntos de recarga accesibles en todo o territorio.
Desde a Mancomunidade lembran que todos os puntos xa están operativos, consolidando unha infraestrutura que mellora os servizos turísticos e reforza o posicionamento de O Salnés como destino comprometido coa sostibilidade.
