A demanda de espazos para embarcacións mantén unha tendencia ascendente. Na ría de Pontevedra, as reservas de amarres acadan xa o 70% da súa capacidade total, mentres que en instalacións como o porto Juan Carlos I de Sanxenxo xa se completou a ocupación para a tempada alta, obrigando a establecer listas de espera.
O sector está a realizar un esforzo investidor significativo, con 2,5 millóns de euros destinados á modernización das dársenas. Estas actuacións céntranse na dixitalización das torretas de servizo, a mellora da accesibilidade para persoas con discapacidade e a instalación de paneis fotovoltaicos para avanzar na sustentabilidade ambiental.
Ademais da renovación de servizos, varios clubs náuticos están a ampliar a súa oferta de prazas. O Monte Real Club de Yates de Baiona, o Náutico de Rianxo e o porto de Combarro son algúns dos enclaves que traballan en proxectos para incrementar a súa capacidade de acollida de embarcacións.
“"A xente non saía navegar por medo, só polo interior das rías. Esperemos que este ano sexa mellor."
A pesar das boas perspectivas, o sector amosa preocupación pola presenza de orcas nas augas galegas durante o verán. Esta circunstancia, que xa afectou á navegación en anos anteriores, xera incerteza entre os usuarios, especialmente entre os turistas estranxeiros que transitan pola costa galega cara ao sur ou ao Mediterráneo.
