Estes fondos proceden do Plan +Provincia, que achega ao concello de Meis preto dun millón de euros, sumando os 600.000 euros deste ano e un adianto de 400.000 euros da liña de investimentos prevista para 2027.
A reconstrución financiará a totalidade das obras necesarias para recuperar o lavadoiro, que fora destruído polos temporais. A súa ausencia supón unha perda significativa para o conxunto interpretativo da vida rural tradicional galega que conforma a Aldea Labrega, un espazo museístico ao aire libre.
A Aldea Labrega é un punto de interese turístico e cultural relevante en Meis, enclavado na coñecida Ruta da Pedra e da Auga e na Variante Espiritual do Camiño de Santiago. A intervención da Deputación busca manter a coherencia do conxunto museístico, preservar o valor cultural e turístico da zona e mellorar a experiencia dos visitantes e peregrinos.
