A directora xeral de Promoción da Igualdade, Eloína Ingerto, visitou o espazo no festival, que estará operativo ata o seu peche.
Este punto conta con dúas áreas especializadas. Profesionais ofrecerán asesoramento, actividades de sensibilización, atención e acompañamento fronte a posibles agresións.
O obxectivo é achegar á cidadanía, especialmente á mocidade, ferramentas para concienciar, previr e detectar situacións de violencia contra mulleres ou o colectivo LGTBI. Os asistentes poderán resolver dúbidas e participar en actividades sobre relacións afectivas e intimidade.
Os puntos lila e arco iris da Xunta tamén estarán presentes noutros oito festivais de música de Galicia este ano, incluíndo o Morriña Fest, o Río Verbena e o Caudal Fest, despois de pasar por O Son do Camiño, Resurrection Fest, Festival de Ortigueira e Portamérica.
