Un total de 46 entidades de 25 concellos da provincia comezaron esta semana, entre o 1 e o 5 de setembro, as primeiras accións formativas deste programa. As actividades inclúen obradoiros de pilates, ioga, teatro, plantas medicinais, conservación de alimentos, ximnasia hipopresiva, arte floral, risoterapia, musicoterapia e patchwork, entre outros.
As accións desenvólvense en concellos como Caldas de Reis, O Campo Lameiro, Cangas de Morrazo, Cerdedo Cotobade, Crecente, Covelo, Cuntis, A Estrada, Gondomar, Lalín, A Lama, Marín, Mondariz, Moraña, Mos, Pazos de Borbén, Redondela, Rodeiro, Salceda de Caselas, Silleda, Soutomaior, Tui, Vigo, Vilaboa e Vilanova de Arousa.
O programa, que se estenderá durante os anos 2026 e 2027, prevé organizar cada ano máis de 200 obradoiros para entidades sen fins de lucro. As formacións, de 35 horas de duración, abranguen catro categorías: +Tecnoloxía, +Creatividade, +Natura e +Saúde, e inclúen un módulo transversal de sensibilización sobre igualdade.
