O delegado territorial da Xunta en Pontevedra, Pablo López, acompañado polo alcalde de Vilanova de Arousa, Gonzalo Durán, visitou esta mañá as estacións de servizo beneficiadas por esta liña de axudas. A achega total da Xunta supera os 40.000 euros e permitirá a instalación de desfibriladores eléctricos, grupos electróxenos e novos sistemas informáticos.
Estas axudas enmárcanse no compromiso da Xunta co apoio aos pequenos e medianos empresarios do rural e coa modernización tecnolóxica das empresas galegas. O delegado territorial destacou a importancia de "apostar pola dixitalización das empresas rurais" e agradeceu a confianza dos empresarios que "arriscan o seu patrimonio para crear riqueza, xerar emprego e facer crecer Galicia".
A nivel territorial de Pontevedra, estas axudas beneficiaron a un total de 19 áreas de servizo, cun investimento próximo aos 160.000 euros.
