A participación de Ribadavia nesta reunión prodúcese despois dun ano significativo no que o concello exerceu a presidencia da Rede. Durante este período, o municipio acolleu a Asemblea Xeral e a Gala dos Premios Camiños de Sefarad, consolidando o seu papel destacado dentro da organización.

Baixo a súa presidencia, Ribadavia impulsou a visibilidade nacional e internacional do proxecto, fortalecendo a presenza en feiras e foros especializados e fomentando novas vías de colaboración institucional. Un dos fitos máis importantes desta etapa foi a incorporación de seis novas cidades á entidade, o maior número desde a súa fundación.

A programación en Segovia iniciouse o 9 de abril co gallo do Día da Cultura Sefardí, incluíndo unha visita á xudaría da cidade. A asemblea, celebrada o venres, abordou temas como as contas de 2025, o orzamento de 2026, novas incorporacións e a planificación para o próximo exercicio.