O curso, que se impartirá nas instalacións do IES Johan Carballeira os días 1, 2, 6, 7, 8, 9, 13, 14, 15 e 16 de outubro en horario de 16:30 a 18:30 horas, está organizado co apoio da Consellería de Cultura, Lingua e Xuventude, a través da Secretaría Xeral da Lingua.
Poderán participar persoas maiores de 16 anos, ou que os fagan no ano 2026, que desexen adquirir ou mellorar as súas competencias en lingua galega e coñecementos sobre a cultura de acollida. Non se requiren coñecementos previos, xa que as clases se adaptarán a diferentes niveis. As inscricións ábrense o 7 de setembro e deberán formalizarse no segundo andar da Casa do Concello. Ao remate entregarase un diploma acreditativo.
A formación achegará nocións básicas de lingua galega, incluíndo introdución á fonética, clases de palabras, ortografía e recursos para a comunicación cotiá. Tamén se abordarán contidos culturais e históricos de Galicia, como gastronomía, tradicións, festas e música.
O curso ten un dobre obxectivo: fomentar a integración e inclusión sociocultural das persoas participantes, e aproveitar o potencial da chegada de persoas de fóra de Galicia para incrementar o número de falantes da lingua.
