Esta iniciativa, aberta a toda a cidadanía, busca achegar o traballo do instituto armado á sociedade e fomentar valores de seguridade e solidariedade. A xornada desenvolverase en dúas quendas: pola mañá, de 10:00 a 14:00 horas, estará dirixida a escolares, mentres que pola tarde, de 16:00 a 18:00 horas, o público xeral poderá asistir ás demostracións na Avenida do Peirao, s/n.

Durante o evento, diversas unidades e especialidades da Garda Civil realizarán exhibicións en directo das súas técnicas de intervención e capacidades operativas. O obxectivo principal é mostrar a labor que realizan e reforzar o seu compromiso coa comunidade.

A entrada á exhibición será de balde, pero os organizadores animan aos asistentes a colaborar cunha doazón de alimentos non perecedoiros. Os produtos recollidos serán canalizados a través de entidades sociais locais, reforzando así o fin benéfico da xornada no municipio da comarca do Eume.