O concerto forma parte de +Música, o programa provincial que apoia a programación cultural nos concellos de menos de 50.000 habitantes da provincia, co obxectivo de difundir e fomentar a lingua e a cultura galegas. Este programa conta cun orzamento de 700.000 euros.
Luar na Lubre, con corenta anos de traxectoria, presentará un repertorio baseado na música de raíz galega, abordada desde o respecto e cunha perspectiva de modernidade. Ao longo da súa carreira, publicaron 20 traballos discográficos, venderon máis de 350.000 exemplares e recibiron numerosos recoñecementos, incluída a Medalla Castelao da Xunta de Galicia o pasado ano.
No concerto das Neves, a banda repasará os fitos da súa discografía e presentará novas pezas creadas para celebrar o seu corenta aniversario. Esta actuación é unha das 93 financiadas polo programa +Música, que se celebra entre maio e decembro en 58 concellos da provincia.
A través desta iniciativa, a Deputación aposta pola descentralización da cultura e pola programación de actos de calidade por toda a xeografía provincial, impulsando a reputación de Pontevedra como destino cultural.
