O lume, que comezou onte ás 17,39 horas, xa foi dado por controlado polas autoridades. As estimacións provisionais apuntan a que a superficie afectada rolda as 60 hectáreas.
Para a extinción do incendio mobilizáronse un total de 5 técnicos, 23 axentes, 32 brigadas, 26 motobombas, 3 pas, 4 unidades técnicas de apoio, 9 helicópteros e 4 avións.
A Consellería do Medio Rural lembra á cidadanía a importancia de alertar sobre calquera foco de lume forestal chamando ao número gratuíto 085. Tamén se dispón da aplicación móbil ALume para informar sobre incendios activos en Galicia e dun teléfono anónimo (900 815 085) para denunciar actividades incendiarias sospeitosas.
Ademais, toda a información actualizada sobre incendios forestais que acadan as 20 hectáreas pode consultarse na conta de X @incendios085.
