O concello de San Cristovo de Cea comunicou a posta en marcha de medidas restritivas para o uso da auga debido á escaseza que afecta a varios puntos da provincia. A normativa prohíbe expresamente o uso da auga da traída para regar, baldear, lavar vehículos, encher piscinas ou calquera outro consumo que non sexa estritamente esencial.
Ademais, o comunicado advirte que aqueles veciños aos que se detecte un consumo de auga fóra do normal serán sancionados con multas. En caso de uso excesivo, procederase á sanción correspondente de acordo coa normativa vixente.
Esta decisión segue un patrón similar ao adoptado recentemente polo Concello de Esgos. Pola súa banda, o Concello de A Pobra de Trives anunciou cortes nocturnos de auga nalgunhas zonas específicas como O Agro ou Rúa San Martín.
