O lume, que comezou na noite do sábado na parroquia de Moreiras, atópase nunha zona de orografía complexa, o que está a dificultar as labores de extinción. A alcaldesa do municipio, Patricia Torres, sinalou a complexidade do terreo e as rachas de vento como os principais obstáculos para os equipos de emerxencia.
A Consellería do Medio Rural desprazou un importante operativo que inclúe técnicos, brigadas, motobombas, unidades de apoio e medios aéreos. Ata o mediodía, traballaban no terreo dous técnicos, oito brigadas, cinco motobombas, dúas unidades técnicas de apoio, catro helicópteros e catro avións. Pola tarde, sumáronse efectivos do Ministerio para a Transición Ecolóxica, como a BRIF de Laza.
A imposibilidade de utilizar medios aéreos durante a noite foi un factor determinante, permitindo que o lume avanzase sen control nas súas primeiras horas. O incendio orixinouse nunha zona de difícil acceso no medio do monte.
