O sinistro ocorreu no quilómetro 25 da estrada AC-305, á altura do número 153 da Rúa Principal. O servizo de emerxencias 112 Galicia recibiu o primeiro aviso sobre as 06:30 horas da mañá, alertado por un particular que observou dende a súa vivenda como un coche se saía da calzada.

Ao achegarse ao lugar, o alertador contactou novamente co centro de emerxencias para informar de que no interior do vehículo había un mozo que parecía estar gravemente ferido. Detallou que o turismo impactara contra unha árbore situada nun terraplén, que impediu que caese a un río próximo.

Os Bombeiros de Boiro desprazáronse ao lugar e procederon á excarceración da vítima. Á súa chegada, confirmaron o falecemento do único ocupante do turismo. No operativo tamén participaron efectivos do 061, os Bombeiros de Ribeira, a Garda Civil de Tráfico, membros de Protección Civil da localidade e persoal de mantemento da vía.