A Consellería de Emprego destinará un total de 546.552 euros para o obradoiro dual de emprego Tahume XI, que se desenvolverá conxuntamente nos municipios de Ribeira e O Porto do Son. Este programa capacitará a 20 participantes en áreas como a aplicación de vernices e lacas en carpintería e moble, actividades auxiliares en aproveitamentos forestais, conservación e mellora de montes, e traballos específicos de carpintería e moble.
“"Xa é un obradoiro consolidado en ámbolos municipios, mellorando as opcións de inserción no mundo laboral de moitos veciños e veciñas durante tódalas edicións previas, nas que foi todo un éxito. E, ademais de ter un forte impacto nas persoas participantes, tamén redunda positivamente no conxunto da sociedade, pois realizan as prácticas en mobiliario e espazos públicos."
Pola súa banda, o Concello de Boiro xestionará o obradoiro de emprego Torre Goiáns V, que contará cunha subvención de 467.052 euros da mesma consellería. Este obradoiro acollerá a 20 alumnos traballadores, divididos en dúas especialidades: repoboacións forestais e tratamentos silvícolas, e instalación de elementos de carpintería.
Ademais da formación, o alumnado de Boiro realizará tarefas prácticas de prevención de incendios, consolidación de frondosas e limpeza de faixas secundarias. Tamén se encargarán de traballos de conservación e valorización do Camiño A Orixe, a integración de elementos de madeira no Pazo de Goiáns, a mellora da sinalización do Camiño A Orixe, a creación e mellora de pasarelas en Barraña, Carragueiros e Mañóns, e a mellora das instalacións de carpintería nos centros sociais do concello.
