Durante a sesión explicouse a diferenza entre aforrar enerxía e empregala de maneira eficiente, destacando a importancia de coñecer e medir o consumo para identificar posibles melloras e reducir tanto a factura como o impacto ambiental sen renunciar ao confort.
A charla ofreceu recomendacións prácticas sobre climatización, illamento, auga quente, iluminación, electrodomésticos, cociña e mobilidade, ademais de abordar os consumos invisibles dos aparellos en espera.
Como conclusión, animouse ás persoas asistentes a escoller tres medidas concretas —unha para aplicar de inmediato, outra para incorporar durante o próximo mes e unha mellora a medio prazo—, lembrando que a eficiencia enerxética se constrúe a partir de pequenas decisións cotiás ben orientadas.
