O proceso, realizado a través do Boletín Oficial do Estado (BOE), permitiu a venda de vivendas, garaxes e rochos. Os prezos finais das unidades habitacionais oscilaron entre os 100.000 e os 150.000 euros, mentres que os espazos de aparcamento e rochos situáronse entre os 6.000 e os 11.000 euros.
A maioría dos compradores adquiriron estes inmobles como segunda residencia, procedentes de cidades como Santiago, A Coruña, Vigo ou Madrid, ademais doutros puntos de España. Unha parte menor das adquisicións foi realizada por investidores.
O complexo, composto por nove bloques, atópase a 250 metros da praia e conta con zonas comúns como piscina, xardín e parque infantil. A operación permitiu cubrir a débeda vinculada aos inmobles, que anteriormente estaban en mans da Sareb.
