A xornada festiva comezará ás 10.00 horas coas bombas de palenque e, ás 10.45 horas, terá lugar a esperada travesía a nado. Mentres os máis novos gozan de inchables dende as 11.30 ata as 13.00 horas, os adultos poderán participar nun torneo de petanca na praia.
A sesión vermú, amenizada por Chiña, dará paso a unha gran sardiñada ás 13.15 horas. A tarde continuará con xogos populares na praia (17.00 horas), un campionato de cartas Escoba e Tute (15.30 horas) e inchables (16.00-18.00 horas). A festa da escuma está programada para as 19.00 horas.
O deporte tamén terá o seu espazo con dous partidos de fútbol: un infantil ás 18.00 horas e outro de adultos ás 19.15 horas. Despois dunha merenda ás 20.30 horas, a noite estará marcada pola música co concerto do grupo Leite con Jalletas a partir das 22.00 horas, seguido dunha sesión DJ ás 00.30 horas, tras o sorteo dunha televisión e a entrega de trofeos.
O concelleiro de Festexos, Fernando Abraldes, destacou o apoio municipal a estas iniciativas que dinamizan a localidade, sinalando que "seguimos xuntándonos, divertíndonos e celebrando en cada recuncho do noso municipio". Tamén estiveron presentes o concelleiro de Deportes, Álex Vidal, e a presidenta da comisión de festas, María Jesús Paz.
