A mostra, que xa pasou por Madrid, Llerena e Ávila, continúa a súa itinerancia achegándose á cidade de Plasencia, en Cáceres, que forma parte, como Tui, da Red de Juderías de España – Caminos de Sefarad.
A exposición está composta pola reprodución das catorce pezas téxtiles orixinais do Museo Diocesano de Tui. Constitúe unha fonte histórica de enorme valor e un dos testemuños máis directos e escasos da actividade inquisitorial, ofrecendo un percorrido polo contexto social e relixioso da Galicia do século XVII e as dinámicas de persecución da Inquisición.
“"Esta exposición sobre os sambenitos da catedral de Tui, logo da excepcional acollida que tivo na sede do Centro Sefarad-Israel de Madrid así como en Llerena e Ávila, achégase agora a unha localidade emblemática como é Plasencia que neste outono promove diversas actividades arredor do patrimonio xudeu."
A concelleira tamén engade que a exposición "non só contribúe a difusión destas pezas do patrimonio tudense senón que é unha oportunidade para a promoción dos valores patrimoniais e turísticos da cidade de Tui".
O barrio xudeu de Plasencia, situado na zona da Mota, foi un dos máis importantes de Estremadura, impulsando a economía da cidade medieval. Tras a expulsión dos xudeus en 1492, quedou un rico legado cultural.
A sede da exposición é o Centro cultural “Las Claras”, un antigo convento reconvertido que tamén alberga a oficina de turismo e espazos para outras exhibicións.
