Segundo as investigacións levadas a cabo polo Equipo EBIO da Garda Civil de Tui, o arrestado tería empregado unha chave falsa, obtida de forma ilícita, para acceder ao inmoble sen forzar a entrada.

A investigación iniciouse a raíz da denuncia presentada polo propietario da vivenda asaltada. Tras realizar a inspección ocular e diversas pescudas, os axentes lograron identificar ao presunto responsable, quen xa contaba con numerosos antecedentes policiais.

A detención produciuse o pasado martes, 2 de xuño. Entre os obxectos recuperados que foran subtraídos atópanse un televisor co seu mando a distancia, un deshumidificador e a propia chave de acceso á vivenda.

As dilixencias instruídas foron xa remitidas ao Xulgado de Garda de Tui, onde o detido deberá comparecer cando sexa requirido pola autoridade xudicial.