O plan, publicado no Diario Oficial de Galicia, divídese en tres eixes estratéxicos. Cada un deles conta cun orzamento de 15 millóns de euros destinados a proxectos de innovación, protección ambiental e adaptación das pemes á mobilidade verde e conectada.
As empresas interesadas poderán optar a axudas de ata 10 millóns de euros por proxecto, sempre que o investimento subvencionable supere os 100.000 euros. Para facilitar a liquidez, a administración autonómica contempla un pagamento anticipado do 80 por cento da contía sen necesidade de achegar garantías adicionais.
Esta convocatoria enmárcase na estratexia autonómica para consolidar a industria galega como un referente europeo na transición cara ao vehículo eléctrico. O obxectivo é mobilizar máis de 230 millóns de euros a través do Plan director da automoción de Galicia 2025-2027.
