O suceso produciuse sobre as 09:20 horas cando un particular alertou ao 112 Galicia de que o condutor dun vehículo podería estar atrapado no interior tras unha saída da vía e envorco.
A central de emerxencias mobilizou ao lugar o Grupo de Emerxencias Supramunicipal (GES) de Noia, os Bombeiros de Boiro e Ribeira, a Garda Civil de Tráfico e o Servizo de Urxencias Sanitarias de Galicia-061.
Ao chegar ao punto do accidente, os equipos de intervención confirmaron a necesidade de realizar tarefas de desencarceración para poder liberar á persoa que se atopaba no interior do turismo. Para iso, foi preciso retirar unha das portas do vehículo.
Posteriormente, o condutor foi atendido polo persoal sanitario desprazado ata o lugar e, tras unha primeira avaliación, foi trasladado a un centro hospitalario de referencia.
