O bo tempo acompañou durante toda a fin de semana, con xornadas de sol que permitiron gozar plenamente das actividades programadas e contribuíron a crear un gran ambiente tanto na alameda como nos distintos espazos da feira.
Os obradoiros e as actividades infantís foron os grandes protagonistas desta edición, rexistrando unha alta participación e manténdose cheos ao longo de toda a programación. As propostas para os máis pequenos encheron de vida a alameda, converténdoa nun punto de encontro para familias e público de todas as idades.
“"A gran afluencia de veciños e veciñas, así como de persoas visitantes, demostrou unha vez máis o interese que existe en Noia pola cultura e pola lectura."
“"Agradecer o traballo de todas as persoas, asociacións, editoriais, autoras e autores que participaron na feira e fixeron posible o éxito desta edición. Amósome especialmente contenta de ter achegado un pouco máis a lectura aos máis cativos."
Desde o Concello de Noia valoran moi positivamente o desenvolvemento da Feira do Libro, destacando especialmente o ambiente cultural e familiar vivido durante toda a fin de semana, así como a boa acollida das presentacións, actividades e postos participantes.
