O suceso tivo lugar arredor das 20.14 horas, momento no que o servizo de emerxencias 112 Galicia recibiu o aviso. Segundo os datos facilitados polos equipos de intervención, o condutor atopábase consciente no momento da asistencia, aínda que presentaba dores nas costas como consecuencia do impacto.

Ata o punto do sinistro, situado no quilómetro 12 da citada vía, desprazáronse profesionais do Servizo de Urxencias Sanitarias de Galicia-061. Tras unha primeira valoración no lugar, o ferido foi trasladado nunha ambulancia ata un centro hospitalario de Lugo para realizar probas máis exhaustivas.

No operativo de asistencia e seguridade viaria tamén colaboraron efectivos do Subsector de Tráfico da Garda Civil e unha brigada do Grupo de Emerxencias Supramunicipal (GES) de Friol, que traballaron na zona para garantir a seguridade do resto de usuarios da vía.