A formación nacionalista sinalou a necesidade de reducir o uso de recursos hídricos en tarefas como o baldeo de rúas e o rego de zonas verdes. Segundo a proposta, estas accións permitirían afrontar con maior previsión o incremento das temperaturas previsto para os próximos meses.
O grupo municipal lembrou que en anos anteriores xa se aplicaron restricións que limitaron nun 30 % a auga destinada a xardíns e nun 50 % a utilizada para a limpeza viaria. Aínda que na actualidade non se declarou ningunha alerta por seca en Lugo, o BNG defende a importancia de actuar con prudencia e responsabilidade na xestión dos servizos públicos.
A proposta tamén inclúe a necesidade de deseñar estratexias que aseguren a dispoñibilidade de auga durante todo o período estival, tendo en conta que os recursos son limitados e deben empregarse de xeito eficiente.
