A conselleira do Medio Rural, María José Gómez, mantivo hoxe unha reunión coa alcaldesa de Lugo, Elena Candia, na que avaliaron un proxecto para a adecuación do Campo da Fera de Nadela, situado no municipio lucense. Esta actuación permitirá mellorar as condicións de uso do recinto e, ao mesmo tempo, conservar os elementos existentes que forman parte da súa configuración.
Neste sentido, a conselleira salientou a importancia que teñen as feiras, xa que permiten que as persoas produtoras poidan poñer a disposición da cidadanía uns produtos de excelente calidade. No caso concreto da feira de Nadela, lembrou que é unha das feiras que se mantén ao longo do tempo e que ten moita demanda por parte da veciñanza.
Por iso, recalcou que a colaboración cos concellos para impulsar e manter este tipo de infraestruturas é esencial.
