Entre as novas caras que se unen á directiva atópanse o recoñecido médico Lorenzo Armenteros, portavoz da Sociedade Española de Médicos de Familia; o profesor e escritor José Carlos Ulloa; o produtor de Galicia Nómada, Fran Lorenzo; e o fisioterapeuta e osteópata Ismael Carballo.

Estas incorporacións buscan, segundo explicou a propia asociación, “potenciar e acentuar temas de actualidade para o conxunto da sociedade”, especialmente no ámbito médico e cultural, que son os eixes principais das súas conferencias e actividades.

A xunta directiva, presidida por Carlos Vázquez, xa contaba con figuras destacadas como a oncóloga Begoña Campos, o urólogo Neira Pampín, o piloto de rallies Alonso Liste e o delegado de Participación Cidadá da Policía Nacional en Lugo, Rubén Darío Veiga.