A iniciativa, presentada este venres, busca combinar solidariedade, natureza e deporte. Na presentación estiveron presentes o alcalde, José Ángel Santos, o presidente da Asociación Española contra o Cáncer en Lugo, José Manuel Rozas, e representantes de Marcha Nórdica Lugo, Gracia Rodríguez e Juan Carlos Castro.
A programación ofrecerá varias opcións adaptadas aos participantes. Na modalidade de marcha nórdica, haberá percorridos de 8, 16 e 25 quilómetros. A ruta máis longa forma parte da Liga Ibérica de Senderismo e da Liga Galega de Andainas, computando para os federados.
Ademais, celebrarase a andaina popular, tamén con opcións de 8, 16 e 25 quilómetros, aberta a todo o público interesado.
A participación nesta iniciativa ten un custo de dez euros e o prazo de inscrición está aberto ata o xoves 11 de xuño.
“"A aposta do Concello por organizar actividades que fomenten a práctica deportiva e contribúan a dinamizar o municipio, ao tempo que poñen en valor o patrimonio natural e paisaxístico de Friol."
