A organización Hispania Nostra engadiu dous bens patrimoniais da provincia de Lugo á súa Lista Vermella, alertando do risco de perda de valores históricos e arquitectónicos. Trátase da Torre de Sobrada de Aguiar, situada en Outeiro de Rei, e do Pazo de Mundín, no concello de Monterroso.
A Torre de Sobrada de Aguiar, orixinaria do século XV e reconstruída tras as Revogtas Irmandiñas, presenta un avanzado estado de abandono. Grietas, boquetes e o crecemento de vexetación, incluído un gran eucalipto apoiado nun dos seus muros, ameazan a súa integridade estrutural. A portada orixinal, co escudo dos Andrade, Aguiar e Ribadeneira, consérvase no Museo Provincial de Lugo.
Pola súa banda, o Pazo de Mundín, un exemplo singular de mansión hidalga do século XVI, atópase en completo abandono. Sen cuberta, con muros degradados e vexetación invasiva, sufriu recentemente o derrube dunha parte da súa torre, o que incrementa o perigo de colapso total.
O colectivo alerta de que a integridade deste monumento periga se non se intervén con urxencia.
Na actualidade, Hispania Nostra rexistra un total de 89 bens en perigo en Galicia, dos cales 25 correspóndense á provincia de Lugo, sendo a segunda con máis bens catalogados tras A Coruña.
