Un home de 46 anos, orixinario de Andalucía e que estaba de paso na capital lucense, foi arrestado por axentes da Policía Nacional. Sobre o detido pesaba unha orde de detención e extradición emitida por Estados Unidos por delitos de tráfico de drogas.
A detención produciuse nunha rúa próxima á Ronda das Fontiñas. A súa fuxida estaba relacionada coa elevada solicitude de condena á que se enfrontaba por tráfico de estupefacientes.
O individuo estaba baixo o punto de mira da Interpol, que emitira unha notificación vermella de detención e extradición, a máxima graduación das ordes de busca e captura internacionais.
O arrestado foi posto a disposición xudicial da Audiencia Nacional, que será a encargada de tramitar o seu proceso de extradición aos Estados Unidos.
