A actividade eléctrica concentrouse principalmente nas provincias de Lugo e A Coruña, segundo reflicte o mapa elaborado por MeteoGalicia. Estes fenómenos estiveron acompañados de choivas e sarabia, nun fin de semana marcado tamén polas altas temperaturas.

A intensidade das tormentas levou á Xunta de Galicia a activar a alerta laranxa no centro da provincia de Lugo para o domingo, chegando a suspender a actividade deportiva federada nesa zona. O resto de Galicia estivo en alerta amarela.

A xornada do sábado tamén rexistrou unha notable actividade eléctrica, con 598 raios contabilizados pola axencia meteorolóxica galega.

Para este luns, a previsión mantén a inestabilidade atmosférica, con avisos amarelos por tormentas activos a partir das 18:00 horas no centro e na montaña lucense.