A licitación, publicada no Portal de Contratos Públicos de Galicia, está reservada para centros especiais de emprego de iniciativa social ou empresas de inserción. O obxecto do contrato é o transporte intercentros de carros de comida e roupa do servizo de hostalería entre ambos os hospitais.
Tras o traslado das unidades de cociña e lavandería ao edificio do Hospital Naval, mentres a maioría dos usuarios atópanse no Hospital Arquitecto Marcide, faise necesario este traslado diario para garantir o funcionamento asistencial.
As tarefas na unidade de cociña inclúen o transporte de bandexas, retorno de carros e atención a servizos extraordinarios, estimándose un volume de 15 carros para almorzo e merenda e 25 para comida e cea. Na unidade de lavandería, as funcións son o transporte de roupa limpa e a recollida da sucia.
Para o desenvolvemento deste labor requiriranse un mínimo de catro vehículos, dous para cada unidade, que cumpran coas características solicitadas.
As empresas interesadas teñen ata o vindeiro 21 de agosto para presentar as súas ofertas.
