O director xeral de Pesca, Acuicultura e Innovación Tecnolóxica, Isaac Rosón, mantivo un encontro de traballo cos representantes da Confraría de Pescadores de Ferrol. Esta xuntanza, enmarcada nos contactos habituais da Consellería do Mar coas entidades do sector, serviu para analizar as necesidades actuais dos profesionais e establecer liñas de traballo conxunto.
Durante o encontro, Rosón puxo en valor a canle de diálogo fluído entre o pósito e o Goberno galego, materializado en proxectos de investigación e estratexias para mellorar a valorización e comercialización dos produtos do mar.
Así mesmo, o director xeral subliñou que o modelo de cogobernanza impulsado en Galicia é o mellor camiño para acadar unha explotación plenamente sostible dos recursos e garantir a estabilidade socioeconómica do sector pesqueiro e marisqueiro local.
