O club da Malata suma así unha peza de calidade para o seu persoal, nun movemento que xa se intentara en campañas anteriores. Matheus de Deus, de 30 anos, chega procedente do Jaraguá, onde destacou por superar as 20 dianas en cada un dos dous últimos exercicios.

O xogador, que tamén militou no Corintians, achega experiencia e unha notable capacidade goleadora. A súa polivalencia e calidade coas dúas pernas son algunhas das súas virtudes máis destacadas, o que lle permitirá xerar vantaxe para o equipo ferrolán.

A nova xunta directiva do Parrulo Ferrol sinalou que se trata dun xogador "contrastado, competitivo e cunha traxectoria que fala por si soa", aportando así "personalidade e mentalidade gañadora" ao conxunto.