O proxecto presentado polo Concello, "enCULTÚRAte, enCEDÉIRAte: Inspira Cedeira, Expira Cultura", obtivo 83 puntos sobre 100 na avaliación do Ministerio, o que lle supón unha axuda económica de 2.777,77€. A convocatoria conta con 370 proxectos beneficiarios e unha dotación global de 1,1 millóns de euros.
Desde a Biblioteca Municipal e a Concellería de Cultura salientan a importancia deste recoñecemento, que avala o traballo diario da biblioteca como espazo de acceso á cultura, promoción da lectura, encontro e participación cidadá.
A valoración de Cedeira destacou especialmente nos criterios de interese do proxecto (38 puntos), impacto (15 puntos) e claridade (10 puntos), poñendo de manifesto a relevancia da proposta presentada no ámbito da animación á lectura.
O Goberno Municipal agradeceu o compromiso e dedicación do persoal da biblioteca, así como a contribución das persoas usuarias, colectivos e entidades que fan da López Cortón un servizo público vivo e fundamental para a vida cultural de Cedeira.
Este premio estímalle a continuar traballando na promoción dos hábitos lectores, no achegamento dos libros e da cultura a todos os públicos e no fortalecemento da biblioteca como espazo cultural e educativo do municipio.
