As persoas que xa participaban nestas actividades durante xuño de 2026 dispoñen de reserva de praza para a vindeira tempada. Para que esta reserva sexa efectiva, aqueles que se inscribiron por primeira vez en xuño e desexen continuar, deben ter presentado a domiciliación bancaria no Rexistro Xeral do Concello, conforme á Ordenanza fiscal nº 13.
Quen desexe renunciar á súa praza ten de prazo ata o 14 de setembro para tramitar a baixa. As xestións poden realizarse no Rexistro Xeral do Concello, no rexistro auxiliar de Deportes do complexo polideportivo municipal (CPM) da Gándara, ou a través da sede electrónica municipal.
As novas altas para as escolas deportivas do CPM da Gándara, os locais sociais de San Xiao, San Mateo, Pedroso e Freixeiro, e a piscina municipal (incluíndo natación, ximnasia de mantemento, ioga, pilates e musculación) poderán formalizarse dende o 10 ata o 30 de setembro. O horario de atención será de 08:30 a 13:00 horas nas oficinas do CPM da Gándara. Para os veciños doutros concellos, o prazo de inscrición será do 23 ao 30 de setembro.
As actividades deportivas exteriores como tenis de mesa, remo e xadrez tamén seguirán este calendario. O inicio oficial de todas as escolas deportivas, tanto do complexo principal como das exteriores, está fixado para o 1 de outubro.
Ademais, o Concello recorda que as actividades conveniadas e as xestionadas por clubs deportivos (atletismo, balonmán, tiro con arco, fútbol, fútbol sala, baloncesto, piragüismo, golf, kick boxing, voleibol, ximnasia rítmica, patinaxe artística ou hóckey, entre outras) teñen os seus propios procesos de inscrición. Pódese obter máis información nas oficinas do CPM da Gándara.
“"Coa apertura deste prazo de inscrición queremos garantir que todas as persoas que así o desexen poidan acceder á ampla oferta deportiva municipal, que segue medrando ano a ano."
