O contrato, cunha vixencia de 24 meses, está reservado a centros especiais de emprego de iniciativa social ou empresas de inserción. O obxecto é o transporte de carros de roupa e comida do servizo de hostalería entre ambos os hospitais.
Debido ao traslado das unidades de hostalería (lavandería e cociña) ao Hospital Naval, mentres que a maior parte dos usuarios atópanse no Hospital Arquitecto Marcide, faise necesario o traslado diario de carros para garantir o correcto funcionamento asistencial.
As tarefas na unidade de cociña inclúen o transporte de bandexas e a atención a servizos extraordinarios, cun volume estimado de 15 carros para almorzo e merenda e 25 para comida e cea. Na unidade de lavandería, o transporte de roupa limpa e a recollida da sucia.
Para o desenvolvemento deste labor requírense un mínimo de catro vehículos, dous para cada unidade. As empresas interesadas teñen ata o vindeiro 21 de agosto para presentar as súas ofertas.
