A conselleira de Vivenda e Planificación de Infraestruturas, María Martínez Allegue, visitou hoxe este barrio ferrolán para supervisar o comezo dos traballos. Esta nova promoción súmase a outras xa en marcha na zona, elevando a 172 as vivendas en execución neste barrio, ás que proximamente se engadirán 180 máis.
Trátase da cuarta promoción de vivendas públicas neste barrio, onde o investimento total comprometido roza os 80 millóns de euros. Hai tres semanas, a Xunta xa anunciara o inicio doutra promoción de 75 vivendas públicas na mesma área.
Os novos inmobles albergarán pisos de 2, 3 e 4 dormitorios e destacarán por ser fogares eficientes enerxeticamente, con calificación enerxética A, e totalmente accesibles.
A conselleira subliñou o esforzo da Xunta por incrementar o parque de vivendas públicas na comunidade, incentivando tamén a construción de vivenda protexida e colaborando cos concellos para impulsar novos proxectos.
Actualmente, o Goberno galego ten en marcha máis de 4.600 vivendas públicas en toda Galicia.
