O Concello de Parada de Sil será beneficiario dunha subvención destinada á contratación de persoas mozas inscritas no Sistema Nacional de Garantía Xuvenil. Esta axuda, enmarcada no programa FSE+ Galicia 2021-2027, ascende a un importe de 16.902,64 €.
A contía recibida será empregada para a contratación dunha persoa que desempeñará labores de administrativo e atención ao público nas dependencias municipais. O obxectivo principal desta contratación é mellorar o servizo ofrecido á cidadanía.
Esta iniciativa está cofinanciada pola Unión Europea e foi publicada na Orde do 22 de maio de 2026 da Consellería de Emprego, Comercio e Emigración, no Diario Oficial de Galicia (DOG) do xoves, 11 de xuño de 2026.
