A elección de Galicia por parte do xigante da automoción responde, segundo fontes institucionais, á solvencia industrial da comunidade, así como ás garantías e estabilidade que ofrece o territorio para acoller un novo hub loxístico e de produción.
O proceso de implantación comezará a próxima semana coa chegada ao porto dun primeiro cargamento de vehículos da compañía. Esta operación marca o inicio dunha etapa que as autoridades autonómicas cualifican como un punto de inflexión para o desenvolvemento económico das comarcas implicadas.
A estratexia de captación de investimento internacional incluíu nos últimos meses diversos encontros de traballo e visitas institucionais a centros de I+D e plantas de baterías da empresa en China, co obxectivo de consolidar a posición de Galicia como destino preferente para a industria tecnolóxica.
