A implantación desta compañía no territorio galego supón un investimento inicial de 200 millóns de euros. O plan industrial contempla a creación de 2.300 postos de traballo, distribuídos entre as instalacións situadas en Ferrol e As Pontes.
O Goberno galego sinalou que a elección da comunidade como sede na Unión Europea responde á solvencia técnica, a estabilidade institucional e as garantías que ofrece a rexión para o desenvolvemento de proxectos de automoción.
Como parte dos trámites para o inicio da actividade, a próxima semana chegará ao porto de Ferrol un buque cargado con vehículos da marca. Esta operación servirá como ensaio loxístico para avanzar na tramitación necesaria antes do despregamento total da planta.
